Slovakiya Azərbaycanla Ukrayna üzərindən qaz nəqlini müzakirə edir

“Qazprom” və “Naftaqaz” arasında Rusiya qazının Ukraynadan keçməklə Aİ-yə tranzitinə dair müqavilənin müddətinin yaxınlaşması fonunda Avropa ölkələri alış imkanlarını qorumaq üçün yollar axtarmağa davam edir.

AJMEDİA.İNFO xəbər verir ki, bu barədə Bloomberg yazıb.

Jurnalistlərin məlumatına görə, Slovakiyanın Slovensky Plynarensky Priemysel (SPP) şirkəti Azərbaycanın dövlət neft şirkəti SOCAR ilə danışıqlar aparır, bunu DW xəbər verib. Ehtimal olunur ki, Azərbaycan şirkəti “Qazprom”dan lazımi həcmdə qaz alıb sonra avropalı alıcılara çatdıra biləcək.