Pakistanlılar Hindistanı tərk etdilər - SƏBƏB
9 dəqiqə əvvəlƏgər Ermənistan Azərbaycanla barışsa... - “Yerusəlim Post”
01 İyul 2024 17:19 | Baxış sayı: 640
Qərb Qafqazda sülhü təşviq etmək istəyirsə, Ermənistana təzyiq göstərməlidir.
AJMEDİA.İNFO xəbər verir ki, bu fikri İsrail Müdafiə Qüvvələrinin Kəşfiyyat Korpusunun sabiq polkovnik-leytenantı, şərqşünas, Begin-Sadat Strateji Araşdırmalar Mərkəzinin tədqiqatçısı doktor Mordexay Kedar “Yerusəlim Post”da dərc olunmuş “Qərbin təzyiqləri ölkələri Moskva ilə əlaqələri kəsməyə sövq edir” sərlövhəli məqaləsində yazıb.
“Qərb Qafqazda sülhü təşviq etməkdə davam etmək istəyirsə, o, həm də Ermənistana təzyiq göstərməlidir ki, sonuncu Moskva və Tehranla münasibətləri yenidən nəzərdən keçirsin. Əgər Ermənistan Azərbaycanla barışsa, blokadada olan və dənizə çıxışı olmayan ölkə kimi ehtiyaclarını ödəmək üçün daha İrana arxalanmağa ehtiyac qalmayacaq. Habelə Ermənistanın Rusiyadan uzaqlaşması iki Qafqaz ölkəsi arasında sülhün bərqərar olması ehtimalını artıran amildir, belə ki, Qafqazda təsirini qorumağa çalışan ruslar münaqişənin davam etdirilməsində maraqlı olublar. Amma Azərbaycanın bütün Qarabağı azad etməsi və indi Ermənistanın sülhə doğru istiqamətlənməsi ilə yaranan yeni reallıq Moskvanın Qafqazdakı təsirini zəiflədir ki, bu da Qərbin maraqlarına cavab verir”, - deyə məqalədə bildirilib.
İsrailli professor diqqətə çatdırıb ki, İran da Qafqazda sülhün lehinə olmadığından Qərb Ermənistanı Rusiya nümunəsində olduğu kimi Tehran rejimindən əl çəkməyə sövq etməklə regionda sülhün bərqərar olmasına əhəmiyyətli töhfə verə bilər. Beləliklə, kənar təsirlərdən azad bir bölgədə Azərbaycan və Ermənistan arasında sülhün bərqərar olması gerçəkləşər//Buta.tv
