"Hizbullah" dəstələri İsrailin sərhəd yaşayış məntəqələrini...
31 dəqiqə əvvəlNetanyahu təcili təhlükəsizlik iclası çağırır
07 May 2020
Baxış: 521
Nazirlər Kabinetinin üzvləri milli təhlükəsizliklə bağlı bir sıra məsələləri müzakirə edəcəklər.
Baş nazir Benyamin Netanyahu, bu gün, 7 May, saat 17: 00-da başlayacağı ehtimal olunan dar təhlükəsizlik kabinetinin təcili iclasını çağıracaq. Bu barədə 9tv.co.il yazan “İsrail Ha-Yom” qəzeti məlumat yayıb.
Qəzetin yazdığına görə, görüşdə bəzi nazirlər video bağlantı vasitəsilə iştirak edəcəklər. Nazirlər Kabinetinin üzvləri Həmas ilə danışıqlarda irəliləyiş, Suriyadakı vəziyyət, o cümlədən son günlər Hizbullah döyüşçülərinə və İsrailin günahlandırdığı İran hərbi qüvvələrinə edilən hücumları müzakirə edəcəklər.
Hökumətdəki bir mənbə nəşrə açıqlamasında, kəşfiyyat məlumatlarına görə, Suriyada vətəndaş müharibəsi başlayandan bəri ilk dəfə olaraq İran, oradakı mövcudluğunu azaltdığını və əvvəllər işğal etdiyi bazaları tədricən tərk etdiyini bildirib.
Anonim mənbə əlavə edib: "İsrail tamamilə Suriyanı tərk edənə qədər İrana təzyiq göstərməyə davam edəcək".