28 May 2024
“İsrailin hərbi kabineti İranın zərbəsinə cavab variantlarını müzakirə edib” – KİV

“İsrailin hərbi kabineti İranın zərbəsinə cavab variantlarını müzakirə edib” – KİV

15 Aprel 2024
Baxış: 450

“İsrail hərbi kabinetinin növbəti iclası başa çatıb, burada İranın hücumuna cavab vermək üçün bir neçə variant müzakirə olunub”.
AJMEDİA.İNFO
xəbər verir ki, bu barədə İsrail televiziyasının 12-ci kanalı məlumat yayıb.
Bildirilir ki, görüşdə müxtəlif intensivlikli, o cümlədən ağır və regional müharibəyə gətirib çıxarmayacaq hərəkətlərin variantları müzakirə edilib:
“Nazirlər ABŞ-nin blok etməyəcəyi həll yolunu seçməyə çalışırlar ki, onu Vaşinqtonla koordinasiyada həyata keçirmək mümkün olsun. İsrailin məqsədi tam miqyaslı müharibəyə səbəb olmadan İrana zərər verməkdir”.
Telekanal əlavə edir ki, hərbi kabinetin iclasının planlaşdırıldığından daha uzun sürməsi səbəbindən Baş nazir Benyamin Netanyahu İsrailin müxalifət parlament partiyalarının liderləri ilə görüşünü ləğv edib.
“Ynet” portalının məlumatına görə, hərbi kabinetin iclası 3 saat davam edib. Növbəti görüş aprelin 16-na təyin edilib.
“Kan” radiosu məlumatlı mənbəyə istinadən xəbər verir ki, bazar günü keçirilən iclasda iştirak edənlərin əksəriyyəti İranın hücumuna tez reaksiya verilməsinin tərəfdarı olub, lakin son anda heç bir qərar verilməyib.