Baydendən Netanyahuya İranla bağlı MESAJ: "Bunu qələbə kimi qəbul et"

ABŞ Prezidenti Co Bayden və onun milli təhlükəsizlik komandasının üzvləri bölgədə daha geniş hərbi eskalasiyanın qarşısını almaq üçün İranın şənbə gecəsi başlatdığı böyük hücuma İsrailin cavabını cilovlamağa çalışır.

AJMEDİA.İNFO xarici KİV-ə istinadən xəbər verir ki, ABŞ Milli Təhlükəsizlik Şurasının sözçüsü Con Kirbi Vaşinqtonun gərginliyin artmasını istəmədiyini bildirib.

“Gərginliyin artmasını görmək istəmirik. Biz İranla daha geniş müharibə axtarışında deyilik. Bizə qarşı hücum olarsa, İran da daxil olmaqla bütün tərəflərə nə edəcəyimizi açıqladıq", - C.Kirbi qeyd edib.

Digər tərəfdən, Bayden Vaşinqtonun İsrailə sarsılmaz dəstəyini bir daha vurğulayıb.

ABŞ mətbuatı Prezident Baydenin İsrailin Baş naziri Netanyahuya İsrailin İrana qarşı əks-hücumunu dəstəkləməyəcəyini və İranın hücumunun dəf edilməsini qələbə kimi qəbul etməli olduğunu dediyini bildirib.(Sfera.az)