2023-cü ildə 21 “Forbes” milyarderi ölüb

Forbes siyahısında olan 21 milyarder 2023-cü ildə dünyasını dəyişib.
AJMEDİA.İNFO xəbər verir ki, bu barədə nəşr məlumat yayıb.
Bildirilir ki, 2023-cü ildə “Forbes”in dünya milyarderlərinin son siyahısında dərc etdiyi 2640 milyarderdən ümumilikdə 21 milyarder ölüb.
Nəşr yazır ki, 2023-cü ildə ölən milyarderlərin orta yaşı 85 olub. Demək olar ki, yarısının ən azı 90 yaşı var idi. Hindistanlı iş adamı Keşub Mahindra və “Berkshire Hathaway”in sədr müavini Çarlz Munger 2023-cü ildə ölən ən yaşlı iki milyarder olub. Hər ikisinin 99 yaşı olub.