Sumqayıtda tibbi aksiya zamanı 120-dən çox vətəndaş oftalmoloji müayinədən keçib

Tibbi Ərazi Bölmələrini İdarəetmə Birliyinin (TƏBİB) tabeliyindəki Sumqayıt Tibb Mərkəzi görkəmli oftalmoloq-alim, akademik Zərifə Əliyevanın 100 illik yubileyinə həsr edilmiş tibbi aksiya keçirib.

Aksiya Mərkəzin 2 nömrəli Şəhər Xəstəxanasının göz şöbəsində təşkil olunub. Belə ki, gün ərzində 120-dən çox şəhər sakini oftalmoloji müayinələrdən keçib. Aparılan müayinələrdən sonra gözlərində problem müşahidə olunan şəxslərə qoyulan diaqnoza uyğun müvafiq tibbi təyinat yazılıb.

Bu cür aksiyalar il ərzində mütəmadi olaraq keçiriləcək.