Qarabağda güclü YANĞIN - RƏSMİ AÇIQLAMA - VİDEO

Füzuli rayonunda geniş açıq sahədə və qismən meşə zolağında yanğın hadisəsi olub.

FHN-dən AJMEDİA.İNFO-ya bildirilib ki, 30 iyun 2021-ci il tarixində nazirliyin “112” qaynar telefon xəttinə rayonun Qacar kəndində (Xocavənd rayonunun Qırmızı Bazar qəsəbəsi istiqamətində) düşmən tərəfindən minalanmış mürəkkəb relyefli dağlıq ərazidəki açıq sahədə və qismən meşə zolağında yanğın baş verməsi barədə məlumat daxil olub.

Məlumat əsasında əraziyə dərhal FHN-in Aviasiya dəstəsinin bir ədəd helikopteri cəlb olunmaqla yanğınla mübarizə tədbirlərinə başlanılıb. Hazırda yanğının geniş əraziyə yayılmasının qarşısının alınması və söndürülməsi istiqamətində təxirəsalınmaz tədbirlər görülür.

Əlavə məlumat veriləcək.