Oruc tutanların NƏZƏRİNƏ! - Susuzlamamaq üçün bu qidaları YEYİN + SİYAHI

"Ramazan ayında oruc tutarkən susuzlamamaq üçün nələr edilməlidir?" sualı hər il aktual olur. Xüsusilə, son günlər temperaturun yüksəlməsi ilə əlaqədar olaraq oruc tutan şəxslərdə susuzluqla mübarizə bir qədər çətin keçir. Orucluq zamanı orqanizmdəki suyu qorumaq və susuzluq hiss etməmək üçün bəzi qidalar bol istifadə etmək, bəzilərinin istehlakını isə azaltmaq lazımdır.

AJMEDİA.İNFO Ramazan ayında orqanizmi gün ərzində susuzluqdan qorumaq üçün imsakda istehlak edilməli olan bəzi qidalar və içkilər haqqında yazını təqdim edir:

Sahurda çox su içməyin

Bir çox insanlar susuzluğu yatırmaq üçün imsakda və səhər azanından əvvəl bol su içməyin kifayət olduğunu düşünərək səhv edirlər. Lakin böyrəklər saatlar keçdikdən sonra artıq suyu xaric edir və birdən-birə istehlak edilən bol su faydasız olur. Bu səbəbdən iftarla sahur arasında içməli suyun paylanması lazımdır.

Duzlu qidalardan uzaq durun

Turşu, zeytun, duzlu balıq və cipsi kimi duzlu qidalar susuzluğu və gün ərzində orqanizmin maye ehtiyacını artırır.

Sulu və lifli meyvələr yeyin

İmsakda susuzluq hissini azaldan üzüm kimi sulu və lifli meyvələr yemək lazımdır. Bu meyvələr həmçinin bədəndə maye itkisini azaltmağa kömək edir.

Kofeindən çəkinin

Qəhvə və qazlı içkilər kimi tərkibində kofein olan içkilər sidikqovucu xüsusiyyətlərə malik olduqları üçün sürətli susuzluğa səbəb olur. Xüsusilə səhər yeməyi zamanı qazlı içkilərdən istifadə etməmək tövsiyə olunur, çünki onlar toxluq hissi yaradır və həzm prosesinə zərər verir.

Tərəvəz istehlakını artırın

İmsak süfrələrində tərəvəzlər, xüsusilə xiyar olmalıdır. Bu qidalar susuzluğu yatırır və bədəni sərinləşdirir, həmçinin orqanizmi canlılıq və ehtiyacı olan su ilə təmin edir.

Yüksək hərarətdən qaçın

Zərurət olmadıqca yüksək temperaturda uzun müddət qalmamalı, qapalı və sərin yerlərdə dincəlməlisiniz. Bədəni sərinlətmək və susuzluq hissini azaltmaq üçün tez-tez duş qəbul etməlisiniz.

Bitki mənşəli içkilər içmək

Susuzluğu yatıran və maye itkisini kompensasiya edən keçibuynuzu və biyan kökündən hazırlanan içkilər istehlak edilməlidir.

Daha çox şorba və daha az desert

Şorba zəngin su mənbəyi olsa da, desertlər yüksək şəkər ehtiva etdiyi üçün susuzluğa səbəb olur.

Yüngül və boş paltar geyinin

Təri udmaq üçün pambıqdan olan paltarlara üstünlük verilməlidir.

İmsakı gec edin

Orqanizmin susuzluğa qarşı dayanma qabiliyyətini artırmaq üçün imsakı gec edin.(Sfera.az)