"Nənəm ölən günü qırmızı geyinib efirə çıxdım" - Aparıcı Elgiz Əkbər

"İndiyənə kimi qırmızı kostyum geyinmirəm, əsəbiləşirəm. O vaxt mağaza mənə geyim gətirirdi. Deyirdi ki, geyinməlisən".

AJMEDİA.İNFO axşam.az-a istinadən bildirir ki, bu sözləri aparıcı Elgiz Əkbər proqramında deyib. O, nənəsinin dünyasını dəyişdiyi gün efirə qırmızı geyimdə çıxmasından danışıb:

"Bu dəfə gətirib qıpqırmızı geyim. Dedi, belədir, geyinməlisən. Sən demə, 2 saat əvvəl nənəm rəhmətə gedib, bütün qohumlar yığışıb. Nəvə də qırmızı geyinib efirə çıxıb. Camaat, qohum, qonşular baxıb ki, hamı nənəni ağlayır, bu da qırmızı geyinib. Deyiblər, görün necə abırsızdı. Nənənin ölən günü efirə qırmızı geyinib".