Londonda Avropa İttifaqı-Böyük Britaniya danışıqlarının növbəti mərhələsi keçirilir

Avropa İttifaqı ilə Böyük Britaniya arasında post-Brexit danışıqlarının növbəti mərhələsi Londonda başlayıb.

AJM xəbər verir ki, Avropa İttifaqının Brexit danışıqları üzrə müşaviri Mişel Barniyer britaniyalı həmkarı Devid Frostla ticarət və təhlükəsizlik sazişinə dair danışıqları davam etdirmək üçün Londona səfər edib.

Görüş zamanı hər iki tərəf keçid dövrünün başa çatmasına altı aydan az qalmasına baxmayaraq, danışıqlarda irəliləyişin olmamasından narahatlıqlarını ifadə ediblər.