İsraildəki Ukrayna vətəndaşları işlə təmin olunacaq

İsrail hökuməti Ukraynadan olan qaçqınların ölkədə qaldıqları müddətdə işlə qanuni şəkildə təmin olunmalarına dair qərar qəbul edib.

Bunu İsrailin Ukraynadakı səfirliyindən bildiriblər.

Məlumata görə, hazırda icazə sənədləri ilə bağlı prosedur qaydaları müəyyənləşir.

Bundan başqa, İsrail Xarici İşlər Nazirliyi ölkədə müvəqqəti məskunlaşmış Ukrayna vətəndaşlarının qalma müddətini 2022-ci il iyunun 30-dək uzadıb./report