"İsrail rejimi radikal yəhudilərdən istifadə edir: Bu hücumların qarşısında dayanacağıq" - "İslami Cihad"

Fələstinin "İslami Cihad" hərəkatının üzvü Tariq Səlmi İordan çayının qərb sahilində fələstinli təhlükəsizlik əməkdaşının ölümünə görə İsraili günahlandırıb.

AJMEDİA.İNFO xəbər verir ki, o açıqlamasında İordan çayının qərb sahilindəki fələstinlilərin yenidən aktivləşməli olduğunu bildirib.

Tariq Səlmi İsrailin radikal yəhudilərdən istifadə etdiyin deyib:

"Radikal yəhudilərdən istifadə edən İsrail rejimi Fələstin şəhərlərinə,qəsəbələrinə və kəndlərinə hücumlar təşkil edir. Lakin fələstinlilər bu hücumların qarşısında dayanacaq. Bölgədə baş verən dinc insanların ölümü və yaralanmasına görə də məsuliyyəti İsrail rejimi daşıyır".