“Əla xəbərdir, Allah xeyir versin” – Aqil Abbasdan deputatların maaşlarının artırılmasına REAKSİYA

Milli Məclisin deputatlarının maaşı artırılır.

Bununla bağlı “Azərbaycan Respublikası Milli Məclisinin deputatının statusu haqqında” qanuna dəyişiklik edilir.

AJMEDİA.İNFO xəbər verir ki, məsələ ilə bağlı AZXEBER.COM-un əməkdaşı Milli Məclisin deputatı Aqil Abbas ilə əlaqə saxlayaraq deputatın fikirlərini öyrənmək istəyib.

Deputat bundan xəbərsiz olduğunu qeyd edib:

“Xəbərim yoxdur, oğul, şad xəbər olasan. Maaş nə vaxt artıb, nə qədər artıb, bilmirdim, xəbərim yoxdur. İndi eşitdim, Allah xeyir versin”.

Qeyd edək ki, qərara əsasən Milli Məclisin deputatı 2485 AZN miqdarında aylıq vəzifə maaşı alacaq.