20 Oktyabr 2021

Azerbaijan, Baku

13°C/19°CTemperatur °C
Atmosfer hadisələri

Atmosfer hadisələri

BMT Baş katibi Livanda münaqişə tərəflərini sakitliyə çağırdı

BMT Baş katibi Livanda münaqişə tərəflərini sakitliyə çağırdı

14 Oktyabr 2021
Baxış: 244

BMT-nin Baş katibi Antoniu Quterreş Livandakı münaqişə tərəflərini şiddətə son qoymağa çağırıb.

AJMEDİA.İNFO xəbər verir ki, bunu Baş katibin nümayəndəsi Stefan Dujarrik keçirdiyi brifinqdə bildirib.

"Baş katib bu gün Beyrutda baş verən hadisədən çox narahatdır. Bütün maraqlı tərəfləri təcavüzü dərhal dayandırmağa və təxribatçı hərəkətlərdən çəkinməyə çağırırıq", - Dujarrik deyib.

Sözçü əlavə edib ki, Quterreş keçən ilin avqustunda Beyrut limanında baş verən partlayışla bağlı tam və qərəzsiz araşdırma aparılmasını müdafiə edir.

Xatırladaq ki, "Haraket Amal" partiyasının tərəfdarları oktyabrın 14-də Livanın Tayuni bölgəsinə toplaşıblar. Nümayişçilər keçən il Beyrut limanında baş verən partlayış işini nəzərdən keçirən hakim Tarek Bitarın işdən çıxarılmasını tələb ediblər.

Etirazçıların Ədalət Sarayına doğru yürüşü zamanı naməlum şəxslər onlara atəş açıb. Yerli mətbuatın yazdığına görə, atışma nəticəsində 6 nəfər ölüb, 60-dan çox adam yaralanıb.

Ölkənin baş naziri bildirib ki, Livanda 15 oktyabr Beyrut hadisələrinin qurbanları üçün matəm günü elan edilib.