"Aşıq Zülfiyyə çox böyük... " - Tacir Şahmalıoğludan SƏRT SÖZLƏR

“Mənim Zülfiyyə xanımla münasibətim yaxşıdır, amma o, haqqımda bu sözü deyibsə, çox böyük səhv edib. Mən bununla maraqlanaram”.

AJMEDİA.İNFO xəbər verir ki, bunu Bakupost.az-a açıqlamasında müğənni Tacir Şahmalıoğlu Aşıq Zülfiyyənin “Tacirlə yol çıxmaram” açıqlamasına münasibət bildirərkən deyib.

T.Şahmalıoğlu aşıq Zülfiyyə İbadovayla Moskvada bir neçə məclisdə iştirak etdiklərini bildirib:

“Biz Zülfiyyə xanımla dəfələrlə toylarda olmuşuq. Mən onunla yola çıxmamışam. Bəlkə, mənimlə yola çıxmadığına görə belə deyib. Zülfiyyə xanım Manaf Ağayevlə Yusif Mustafayevi qoyub ancaq mənim haqqımda belə deyər. Özünü onların qarşısında pis etməz. Eybi yoxdur, canı sağ olsun”.

Qeyd edək ki, “Xəzər axşamı” verilişinin qonağı olan Aşıq Zülfiyyə İbadova “Kiminlə yol çıxmazsan: Manaf Ağayev, Yusif Mustafayev və Tacir Şahmalıoğlu” sualına “Tacirlə yola çıxmaram, Manaf və Yusiflə yola çıxmışıq” cavabı verib.