Rusiyanın Ukrayna ilə ticarət dövriyyəsi 43%-dən çox azalıb

Bu ilin yanvar-avqust aylarında Rusiya ilə Ukrayna arasında ticarət dövriyyəsinin həcmi əvvəlki ilin eyni dövrü ilə müqayisədə 43,4% azalaraq 4,24 mlrd. ABŞ dolları təşkil edib.

AJM xəbər verir ki, bu barədə Rusiyanın Federal Gömrük Xidmətinin məlumatında deyilir.

Hesabat dövründə Rusiyadan Ukraynaya ixrac illik ifadədə 52,1% azalaraq 2,202 mlrd. dollar, Ukraynadan idxal isə 29,3% azalaraq 2,038 mlrd. dollar təşkil edib.

Qeyd edək ki, Ukrayna Rusiyanın ümumi xarici ticarət dövriyyəsindəki patı ötənilki 2%-dən 1,4%-ə azalıb.