Rusiyada faşist Njde və tayqulaq Andranikə qoyulmuş abidələr tam söküldü - FOTOLAR

Ermənilərin faşist Qaregin Njdeyə qoyduqları abidələr İrəvanla yanaşı, Azərbaycan Respublikasının Xocavənd şəhərində də qalır…

Rusiya Federasiyasının Krasnodar diyarının Armavir şəhərindəki erməni kilsəsinin həyətində quraşdırılmış faşist Qaregin Njde, tayqulaq terrorçu erməni generalı Andranik Ozanyan, marşal Baqramyan və Babacanyana həsr olunmuş xatirə lövhələri tam sökülüb.

AJMEDİA.İNFO xəbər verir ki, bu haqda erməni teleqram-kanalları məlumat yayıb.

Təxminən il yarım öncə – 2019-cu ilin dekabrında bu löhvələrlə bağlı kifayət qədər qalmaqal yaşanmışdı. Həmin vaxt Armavir şəhər Dumasının deputatı Aleksey Vinoqradov etirazını ifadə edərək Njdenin xatirə lövhəsini qara rəngə boyamışdı. Ermənistanın Rusiya Federasiyasındakı səfirliyi hadisəyə görə qəzəbini dilə gətirmişdi.

Armavirdəki erməni icmasının rəhbəri Qrişa Karapetyan isə mediaya açıqlamasında sökülmənin müvəqqəti olduğunu, “xatirə lövhələri”nin yerinə qaytarılacağını söyləyib.

Xatırladaq ki, ermənilərin faşist Qaregin Njdeyə qoyduqları abidələr İrəvanla yanaşı, Azərbaycan Respublikasının Xocavənd şəhərində də qalır.(Konkret.az)