24 İyun 2021

Azerbaijan, Baku

25°C/32°CTemperatur °C
Atmosfer hadisələri

Atmosfer hadisələri

“Azərbaycanı dəstəkləyir” - Paşinyan Minsk qrupunu TƏNQİD ETDİ

“Azərbaycanı dəstəkləyir” - Paşinyan Minsk qrupunu TƏNQİD ETDİ

10 İyun 2021
Baxış: 179

“ATƏT-in Minsk Qrupunun Qarabağ üzrə həmsədrləri Azərbaycana tərəfdar mövqe tutdular”.

AJMEDİA.info “Vestnik Kavkaz”a istinadən məlumat verir ki, bunu Ermənistan baş naziri vəzifəsini icra edən Nikol Paşinyan seçkiqabağı kampaniya üçün getdiyi Spitakda deyib:

“2018-ci ildə, hakimiyyətə gəldikdən sonra dalana dirənən vəziyyətdə olan Qarabağ nizamlanmasına dair danışıqlar prosesi bizə miras qaldı. Problem bundadır ki, ATƏT-in Minsk qrupu vasitəçiləri (Rusiya, Fransa, ABŞ) Qarabağ nizamlanması ilə bağlı Azərbaycanla eyni mövqe ifadə edirlər. Ancaq qeyd etmək lazmdır ki, bu mövqe 2018-ci ildə deyil, ondan daha əvvəl formalaşıb”.

Paşinyan vasitəçilərin hələ 2016-cı ilin yanvarında Ermənistanın Dağlıq Qarabağın aralıq statusu ideyasından imtina etməsi üçün şərt irəli sürmələrindən şikayətlənib.

“Status qarşılığında ərazilər”, “sülh qarşılığında ərazilər” düsturları var idi və 2016-cı ildən 2018-ci ilə qədər “heç bir şey qarşılığında ərazilər” düsturu meydana gəldi və bununla bağlı danışıqlar prosesi bizə miras qaldı”, – deyə Paşinyan Ermənistanın keçmiş səlahiyyətlilərini, xüsusən keçmiş prezidentlər Robert Koçaryan və Serj Sarqısyanı günahlandırıb.