24 İyun 2021

Azerbaijan, Baku

25°C/32°CTemperatur °C
Atmosfer hadisələri

Atmosfer hadisələri

Azərbaycan-İran sərhədində yeni körpü tikiləcək

Azərbaycan-İran sərhədində yeni körpü tikiləcək

10 İyun 2021
Baxış: 144

Ötən gün Azərbaycanın baş nazirinin müavini Şahin Mustafayevlə İranın yol şəhərsalma naziri Məhəmməd İslami arasında əməkdaşlıq memorandumu imzalanıb.

AJMEDİA.info xəbər verir ki, bu barədə İRNA agentliyi məlumat yayıb.

Əməkdaşlıq memorandumuna əsasən, Azərbaycan və İran iki ölkənin sərhədində yerləşən Astaraçayın üzərində yeni köprünün tikilməsi ilə bağlı razılığa gəlib.

Qeyd olunur ki, layihənin dəyəri 4,7 milyon avro olacaq və onun tikintisi 1 ilə reallaşdırılacaq.

Layihənin xərcləri iki tərəf arasında bərabər (50 faiz) bölünəcək.

İmzalama prosesindən sonra çıxış edən baş nazirinin müavini Şahin Mustafayev bildirib ki, sözügedən körpünün inşası İranda istehsal olunan məhsulların Azərbaycan Respublikasına və onun vasitəsi ilə Rusiyaya və digər qonşu ölkələrə daşınmasında əhəmiyyətli imkanlar yaradacaq və bölgədə tranzit imkanlarını genişləndirəcək.

Ş.Mustafayev həmçinin əlavə edib ki, bu cür layihələrin həyata keçirilməsi sərhəd terminallarında yük maşınlarının sıxlıq səviyyəsinin azaldılmasına və iki ölkə arasında malların sürətli hərəkətinə səbəb olacaq.