Yəhudeya və Samariyada antiterror əməliyyatları: üç şübhəli saxlanılıb

AJMEDİA.İNFO xəbər verir ki, iyunun 2-nə keçən gecə Yəhudeya və Samariyada terror fəaliyyətində şübhəli bilinən şəxslərin tutulması əməliyyatı davam etdirilib.

Əməliyyatda hərbçilər, sərhəd polisi döyüşçüləri və Baş Təhlükəsizlik Xidmətinin (ŞABAK) əməkdaşları iştirak edib.

Əməliyyatlar Bəni-Naim və Burka kəndlərində aparılıb. Saxlanılanlardan biri bu həftənin əvvəlində Kiryat Ərbə yaxınlığında hərbçilərlə atışmada iştirak etməkdə şübhəli bilinir.

Əməliyyatlar zamanı ümumilikdə axtarışda olan 3 nəfər saxlanılıb. Silah və sursatlar müsadirə edilib. Saxlanılan şəxslər dindirilmək üçün Şabak müstəntiqlərinə təhvil verilib.