Türkiyədə yanğın istilik elektrik stansiyasına ÇATDI: Böyük partlayış oldu - VİDEOLAR

Türkiyədə meşə yanğını ölkənin cənub-qərbində, Muğla əyalətinin Milas şəhəri ərazisində istilik elektrik stansiyasının alışmasına səbəb olub.

AJMEDİA.İNFO Türkiyə mətbuatına istinadən xəbər verir ki, bu barədə şəhərin meri Məhəmməd Tokat bildirib.

"Alov istilik elektrik stansiyasını bürüdü, heyət təxliyə edilir, - mer tvitter sosial şəbəkəsindəki hesabında yazıb.

Kənd və meşə təsərrüfatı naziri Bekir Pakdemirli ölkənin cənubunda 14 meşə yanğınının söndürülməsinin davam etdiyini xəbər verib. O, qeyd edib ki, kurort əyalətləri Antalya və Muğlada yanğınlara qarşı mübarizə davam edir.

Səhiyyə naziri Fahrettin Koca isə meşə yanğınları zamanı ölənlərin sayının 8 nəfərə, zərərçəkənlərin sayının isə 864 nəfərə yüksəldiyini bildirib.

Meşə yanğınlarının cənginə aldığı Kəmərköy İstilik Elektrik Stansiyasında partlayış baş verib.

Publika.az xəbər verir ki, bununla bağlı Türkiyə mətbuatı videogörüntülər yayıb.

(publika.az)