Putin prezident seçkilərinə namizəd olacaq - ÖZÜ AÇIQLADI

Rusiya Prezidenti Vladimir Putin 2024-cü ildə keçiriləcək prezident seçkilərində iştirak edəcək.

AJMEDİA.İNFO TASS-a istinadən xəbər verir ki, Rusiya lideri bu barədə məlumatı Kremldə Rusiya qəhrəmanlarının mükafatlandırılması ilə bağlı keçirilən tədbir zamanı elan edib.

Bildirilir ki, “Donetsk Xalq Respublikası”nın “parlamentinin spiker”i Artyom Joqa Putinə müraciət edərək ondan seçkilərdə namizədliyini irəli sürməsini xahiş edib. Putinin isə Joqanın xahişi ilə razılaşdığı qeyd olunub.

Xatırladaq ki, Rusiyada prezident seçkiləri 2024-cü il martın 17-də baş tutacaq. Rusiya Mərkəzi Seçki Komissiyasının qərarına əsasən, ölkədə prezident seçkiləri üç gün – 15, 16 və 17 mart davam edəcək. Putinin dövlət başçısı postunda səlahiyyət müddəti 2024-cü il mayın 7-si başa çatır.