Pentaqon Fars körfəzində naviqasiya təhlükəsizliyinin təmini üçün tədbirlər görəcək

ABŞ İranın Hörmüz boğazında xarici bayraqlı ticarət gəmilərinə qarşı artan qanunsuz hərəkətlərinin qarşısını almaq üçün bir sıra addımlar atacaq.

Bunu Ağ Evin sözçüsü Con Kirbi deyib.

Kirbinin sözlərinə görə, son iki ildə İranın "ticarət gəmiləri ilə bağlı Fars körfəzində gəmiçilik hüquqlarına təcavüz etdiyi, hücum etdiyi və ya müdaxilə etdiyi" 15 hadisə baş verib. Amma son 2 ayda xüsusilə İranın mayın əvvəlində, bir həftə ərzində 2 kommersiya tankerini ələ keçirməsindən sonra vəziyyət xüsusilə gərginləşib.