İkinci erməni respublikası yaradılmalıdır

Marsel – qədim erməni şəhəridir. Buna görə də Fransa Prezidenti Emmanuel Makron elə bir şərait yaratmalıdır ki, dünyanın hər yerindən ermənilər sərbəst şəkildə gəlib orda məskunlaşsınlar. Fransa büdcəsi hesabına köçən hər bir erməniyə 20 min avro da ödəniş edilməlidir.

Bu sözləri rusiyalı hərbi ekspert, “Milli müdafiə” jurnalının baş redaktori İqor Korotçenko qeyd edib.

O bildirib ki, Marselə yeni gələn ermənilərin hər biri sadələşdirilmiş prosedur əsasında AB vətəndaşlığını alacaq:

“Marsel ətrafı ilə birlikdə xüsusi statusa malik, öz parlamenti və adı olan, özünü idarə edən muxtar ərazi vahidi statusunu almalıdır – Marsax Respublikası. İdeoloq Sərkis Çaturyanın çoxdan gözlədiyi dənizə çıxış da olacaq. Paris hər il Marsaxa 500 milyon avro məbləğində subsidiya verməlidir.

Əgər Makron inadkar olarsa və Marsax əhalisinin öz müqəddəratını təyinetmə ilə bağlı ədalətli tələbinə mane olarsa, soyqırım siyasətinə görə Fransaya qarşı beynəlxalq sanksiyalar tətbiq edilməlidir”.axar.az