İdman Arbitraj Məhkəməsi (CAS) rusiyalı fiqurlu konkisürən Kamilə Vəliyevanı 4 il müddətinə idmandan uzaqlaşdırıb

İdman Arbitraj Məhkəməsi (CAS) rusiyalı fiqurlu konkisürən Kamilə Vəliyevanı 4 il müddətinə idmandan uzaqlaşdırıb.
AJMEDİA.İNFO xəbər verir ki, bu barədə CAS-ın yaydığı bəyanatda deyilib.
“Təqdim olunan bütün sübutları diqqətlə nəzərdən keçirən CAS komissiyası Vəliyevanın qəsdən dopinq qəbul etmədiyini sübut edə bilmədiyi qənaətinə gəldi”, - məlumatda deyilir.
CAS aydınlaşdırıb ki, konkisürən üçün diskvalifikasiya müddəti 25 dekabr 2021-ci ildə başlayır. Bundan əlavə, məhkəmə qərarında deyilir ki, bu tarixdən etibarən Vəliyevanın bütün nəticələri ləğv edilməlidir.
Xatırladaq ki, Kamilə Vəliyeva 2021-ci il dekabrın 25-də müsbət dopinq testindən keçib. Bu barədə 2022-ci il fevralın 8-də - Vəliyevanın Rusiya komandasının tərkibində qalib gəldiyi Pekində keçirilən 2022-ci il Olimpiadasında komanda turnirinin bitməsindən bir gün sonra məlum olub.
Vəliyevanın dopinq testi qan dövranını və dözümlülüyü yaxşılaşdırdığı güman edilən trimetazidin üçün müsbət nəticə verib. İdmançının özü iddia etdi ki, qadağan olunmuş maddə onun bədəninə təsadüfən daxil olub - trimetazidin babası tərəfindən qəbul edilib.
Qeyd edək ki, Azərbaycan mətbuatında Kamilə Vəliyevanın azərbaycanlı olduğu yazılsa da, rəsmi tərcümeyi-halında fiqurlu konkisürənin milliyətcə tatar olduğu qeyd olunur.