"Hamıya pul paylayırsınız, qazilərin də 1 abbasını..." - Millət vəkilindən nazirə ÇAĞIRIŞ

"Hörmətli Samir müəllim, baxırıq ki, hamıya pul ayırırsınız. Həmişə müdafiə etdiyim qazilərin də "1 abbasının" verilməsini xahiş edirəm".

AJMEDİA.İNFO xəbər verir ki, bu təkliflə Milli Məclisin növbədənkənar iclasında millət vəkili Siyavuş Novruzov çıxış edib.

Deputat qazilər üçün ayrılan müavinətin verilməsi üçün maliyyə naziri Samir Şərifova müraciət edib:

"Hamıya pul paylayırsınız, heç olmasa qazilərin də bir abbasını verin. Onların müavinətləri də qalıb. İyunun 26-sı Silahlı Qüvvələr Günüdür. Qaziləri bununla sevindirmək olar. Hamısı müavinətini istəyir, harada görürlərsə, bunu mənə qeyd edirlər”, - parlamentari vurğulayıb.(Sfera.az)