Ekspert: İstanbuldakı iranlı yaraqlılar şəhərdəki israilliləri müəyyən etməyə qadirdir

Mənbəyə görə, Türkiyə təhlükəsizlik qüvvələri artıq İsraillilərə qarşı bir neçə terror aktının qarşısını alıb.

AJMEDİA.İNFO xəbər veri ki, İsrailin yüksək rütbəli təhlükəsizlik mənbəsi “12 Keshet” telekanalının Xəbər Xidmətinə müsahibəsində bildirib ki, İstanbulda israillilərə qarşı terror aktının mexanizmi artıq işə düşüb və indi onlar bunu dayandırmağa çalışırlar.

Eyni mənbəyə görə, bu, "çox sayda insanı əhatə edən çox ciddi bir hadisədir. Məhz buna görə də İsrail və Türkiyənin təhlükəsizlik xidmətlərinin sıx əməkdaşlığına baxmayaraq, potensial terrorçuların qarşısını almağa çalışmaq çox çətin məsələdir".

İsrail mənbələrinin məlumatına görə, hazırda İstanbulda 2000-ə yaxın İsrail vətəndaşı var. Bu şəhərdə terror təhlükəsi səviyyəsi dördüncü səviyyənin maksimum səviyyəsinə qaldırılıb və bu, şəhəri dərhal tərk etmək çağırışını nəzərdə tutur. Türkiyənin qalan hissəsində təhlükə səviyyəsi üçüncü səviyyəyə qaldırılıb ki, bu da çox zərurət olmadıqca ölkəyə səfər etməmək tövsiyəsi deməkdir.