Azərbaycanda vəzifəli xanım İŞDƏN ÇIXARILDI - FOTO

Tanınmış jurnalist Mehriban Məmmədova Azərbaycan Televiziya və Radio Verilişləri QSC-dəki vəzifəsindən ayrılıb.

AJMEDİA.İNFO xəbər verir ki, o, “qafqazinfo”ya açıqlamasında məlumatı təsdiqləyib.

M. Məmmədovanın sözlərinə görə, televiziyanın “İnformasiya Proqramları” Studiyasının baş direktoru vəzifəsi ləğv olunub:

“Azad olunmaq məcburiyyətində qaldığım üçün özüm ərizə yazmışam. Struktur dəyişikliyi aparılıb. Buna əsasən, tutduğum baş direktor ştatı ləğv olunub. Buna görə də mənə başqa – İctimai-siyasi departamentə keçmək təklif olundu. Təklif olunan işlə razılaşmadığım üçün öz ərizəmlə işdən ayrıldım. Rəhbərlik açıqlamasında deyib ki, audit yoxlamasından sonra belə tələb irəli sürülüb və vəzifəm ləğv olunub”.

Qeyd edək ki, M. Məmmədova sözügedən vəzifəyə 2019-cu ilin aprelində təyin olunmuşdu.