ABŞ üçün optimal variant İran rejiminin daxildən dəyişməsidir - Rüstəm Tağızadə

İran İordaniyanın Suriya ilə sərhədi yaxınlığındakı ABŞ bazasına pilotsuz uçan aparat hücumu ilə nəticələnən və 3 ABŞ hərbçisinin ölümünə səbəb olduğunu təkzib edib.

İranın Proksi qüvvələri son aylar ərzində xeyli aktivləşib. Məsələ burasındadır ki, oktyabrın 7-də Həmasın İsrailə hücumundan sonra İran özü də siyasi arenada aktiv rol oynamağa başladı. Bu da başa düşüləndir. Çünki İran həm özünü müdafiəyə keçdi, həm də göstərdi ki, Yaxın Şərqdə aktiv siyasi rol oynayır.

ABŞ konqrensmenləri İranla siyasətdə ehtiyatla davranan Co Baydənə təzyiq edirlər. Onların bəziləri İrana birbaşa zərbə vurmaqla bağlı çağırışlar edir. Məsələ burasındadır ki, hal-hazırda Ukrayna-Rusiya müharibəsində və Yaxın Şərq cəbhəsində olan ABŞ üçün 3-cü cəbhənin aşılması arzuolunan deyil. Bu ABŞ-ın qüvvələrinin bölünməsinə gətirib çıxaracaqdır. Təbii ki, indiki məqamda ABŞ zəiflik göstərə bilməz. Düşünürəm ki, ABŞ İranın proksi qüvvələrinə Suriyada və İraqda zərbələr endirə bilər. Həmçinin Co Baydenə olan təzyiqlər bu hücumları legitim formaya sala bilər. Ancaq İran məsələsi Yaxın Şərq məsələsindən də qəliz olan sonu görünməz olan bir bataqlığa bənzəyir. ABŞ-ın birbaşa İrana zərbəsi olması real deyil indiki məqamda. Çünki İran birinci növbədə Əfqanıstan və İraq kimi dövlət deyil. Bundan başqa İrana hücum ABŞ üçün xoş olmayan senarilər meydana gətirər.

ABŞ üçün optimal variant İran rejiminin daxildən dəyişməsidir. Bu isə hələlik baş vermir. İran macərası isə ABŞ üçün mücərrəd olmasa da, çətin hesablanan bir oyundur. Ona görə də ABŞ İranın proksi qüvvələrinə ağır zərbələr endirib onları yerində oturtmalıdır. Görünən odur ki, seçkiqabağı prosesdə Baydenin vəziyyəti gərgindir. Həm daxildə olan miqrasiya hadisələri, həm də İran məsələsi ABŞ-ı dünya siyasətində yeniliklər etməyə məcbur edir.

.

.

AJMM-nin siyasi politoloqu

Rüstəm Tağızadə