“Mir” ödəniş sisteminin operatoru ABŞ sanksiyalarına məruz qalıb

“Mir” ödəniş sisteminin operatoru olan Milli Ödəniş Kartı Sistemi (NSCP) şirkəti, Yelabuqadakı Aurus premium avtomobil istehsalı zavodu və NAMI Federal Dövlət Unitar Müəssisəsi ABŞ-ın Rusiyaya qarşı sanksiyaları altına düşüb. Bu barədə ABŞ Maliyyə Nazirliyinin Xarici Aktivlərə Nəzarət İdarəsinin məlumatında deyilir.

AJMEDİA.İNFO xəbər verir ki, ABŞ həmçinin PIK inkişaf qrupu, Sibir Kömür Enerji Şirkəti (SUEK), mədən şirkəti Mechel və metallurgiya şirkəti TMK-ya qarşı sanksiyalar tətbiq edib.

Bir gün əvvəl Co Baydenin bəyanatında deyilirdi ki, ABŞ Rusiyaya qarşı 500-dən çox yeni sanksiya tədbiri tətbiq edir.