Kimya zavodunda baş verən partlayış nəticəsində ölənlərin sayı dəqiqləşdirilib

Sloveniyanın Koçevyedəki "Melamin" kimya zavodunda bir il əvvəl baş vermiş partlayışda 7 nəfər həlak olub.

Bu barədə cümə günü Sloveniyanın Mətbuat Agentliyi (STA) məlumat yayb. Daha əvvəl 6 nəfərin öldüyü bildirilirdi.

2022-ci il mayın 13-də agentlik Koçevye yanğınsöndürmə xidmətinin rəhbəri Leon Bekhinə istinadən xəbər verib ki, mayın 12-də səhər saatlarında "Melamin" zavodunda baş verən partlayış nəticəsində 6 nəfər həlak olub. İlkin məlumata görə, hadisəyə səbəb işçilərdən birinin səhvi olub.

Qeyd olunur ki, həlak olanların yaxınlarına 300 min avroya yaxın təzminat ödənilib. STA-nın məlumatına görə, partlayışdan sonra zərəri 37 milyon avrodan çox qiymətləndirilən şirkət əvvəlki istehsalın təxminən 50 faizini bərpa edib, məqsəd 80%-lik göstəriciyə nail olmaqdır.