Tokayev: “Qazaxıstan Əfqanıstanın hakimiyyəti ilə konstruktiv əlaqələr qurmağa hazırdır”

Qazaxıstan ilk növbədə kəskin humanitar problemləri həll etmək üçün Əfqanıstanın yeni hakimiyyəti ilə konstruktiv işgüzar əlaqələr qurmağa hazırdır.

AJMEDİA.İNFO xəbər verir ki, bunu Qazaxıstan Prezidenti Kasım-Jomart Tokayev etimadnaməsinin təqdim edilməsi mərasimində çıxışı zamanı deyib:

“Qazaxıstan hesab edir ki, Əfqanıstan özü ilə və qonşuları ilə sülh içində yaşayan sabit, suveren və vahid bir dövlətə çevrilməlidir. Biz, ilk növbədə, bu əziyyət çəkən ölkənin üzləşdiyi kəskin humanitar problemləri həll etmək üçün yeni hakimiyyət orqanları ilə konstruktiv işgüzar əlaqələr qurmağa hazırıq. Beynəlxalq birlik bu dönüş nöqtəsində Əfqanıstanı mövcud çətinliklərlə üz-üzə qoymamalıdır”.

Tokayev həmçinin “Taliban” nümayəndələrinin əslində daha mülayim mövqelərə sadiq olduqlarını və əslində vahid, əhatəli və təmsilçi milli hökumət quraraq danışıqlara açıq olduqlarını sübut edəcəklərinə ümidli olduğunu bildirib.