“Ronaldo adam deyilmiş, türk xalqına görə tükünü belə tərpətmədi” - Məşhur aparıcıdan SƏRT TƏNQİD

Türkiyə baş verən 2 böyük zəlzələnin yaralarını sağaltmağa çalışarkən, dünyadan çoxlu kömək gəlməyə davam edir. Türkiyənin bütün sənətçiləri ilə yanaşı, xaricilərdən də çoxlu dəstək mesajları gəlib.


AJMEDİA.İNFO bildirir ki, Madonna, Lionel Messi, David Beckham, Shakira, Dua Lipa, Harry Styles kimi adlar ianələr etməklə bərabər, köməyə çağırarkən, Cristiano Ronaldo türk xalqını təəccübləndirib.


Əsrin fəlakəti adlandırılan zəlzələdən sonra Türkiyədə və dünyanın hər yerində yardım kampaniyaları başladılıb, idman ictimaiyyətindən bir çox ad dəstək olub.

Hətta dünya şöhrətli müğənni Madonna Haluk Leventin prezidenti olduğu AHBAP-ın linkini zəlzələ qurbanlarına ianə etmək üçün paylaşaraq hər kəsi təsirləndirib.

Bütün bu adlarla yanaşı, türk xalqının gözü ulduz futbolçu Kriştiano Ronaldonu axtardı. Ronaldo oynadığı futbolla hər kəsin rəğbətini qazansa da, şəxsi həyatında da yardımsevərliyi ilə ön plana çıxmışdı.

Merih Dəmiralın başlatdığı kampaniyada Səudiyyə Ərəbistanı Liqası komandalarından olan "Əl Nassr"da çıxış edən Kriştiano Ronaldo da formasının hərracda satılmasına razılıq verib.

Daha əvvəl qazandığı qızıl ayaqqabı mükafatını fələstinli uşaqlara göndərən Kriştiano Ronaldo Suriyada ehtiyacı olan insanlara da ianə edib və onların yanında olduğunu bir video ilə açıqlayıb.

Bununla belə, Kriştiano Ronaldo Türkiyədəki zəlzələ üçün heç bir dəstək və ya kömək çağırışı etməyib. Türk xalqının diqqətindən yayınmayan bu vəziyyət onları çaş-baş salıb.


Məşhur Twitch yayımçısı Həsən Arda Kaşıkçı dünya şöhrətli futbolçunun Türkiyədə baş verən fəlakətdən sonra lazımi dəstək vermədiyini bildirib. Ronaldonu sərt tənqid edən Kaşıkçı, onu “tükünü belə tərpətməmək”də ittiham edib.

“Gözlərini bağlanan bir adam da var - Ronaldo! Adam bir story paylaşar. Merih Dəmirələ “Bir ədəd imzalı forman var idi, onu sat” deyir. 200 milyon qazandınız, oradan 1 milyon qıymadınızmı? Dünyada ən çox izləyicisi olan adamsan. Adam bir story atar, "Türkiyə və Suriyadakı insanlara yardım fondu"deyər. Adam deyilmişsən. Messi story də atdı, ianə də bağışladı. Hamısını etdi. Kaş ki, bir tükünü tərpətsəydin, Ronaldo”.


Qeyd edək ki, futbolçu İspaniya mətbuatına verdiyi müsahibədə bir zamanlar aşağıdakı ifadələrdən istifadə edib:

"Atam mənə öyrətdi ki, ehtiyacı olan insanlara nə qədər çox kömək edirsənsə, Allah da sənə bir o qədər iki qat daha çox kömək edir. Mənim həyatımda məhz belə oldu. Ehtiyacı olan insanlara nə qədər çox kömək etsəm, Allah da mənə kömək etdi".


Qeyd edək ki, dünyaca məşhur ulduzun tam adı Cristiano Ronaldo dos Santos Aveirodur. O, bu yaxınlarda ən çox izləyiciyə malik İnstagram istifadəçisi olub. Bununla belə,

“Forbes” jurnalının 2021-ci ildə açıqladığı məlumatlara görə, onun illik gəliri 125 milyon dollardır.(Sfera.az)