Ronaldonun oğlu Portuqaliya millisinə çağırıldı

Səudiyyə Ərəbistanının “Əl-Nəsr” klubunun hücumçusu Kriştiano Ronaldonun oğlu Xorvatiyada keçiriləcək beynəlxalq turnirdə iştirak etmək üçün Portuqaliyanın 15 yaşadək futbolçulardan ibarət komandasına çağırılıb.

AJMEDİA.İNFO xəbər verir ki, 14 yaşlı futbolçu üçün bu ilk çağırışdır. Portuqaliyanın gənclərdən ibarət milli komandası Yaponiya, Yunanıstan və İngiltərədən olan rəqiblərlə qarşılaşacaq.

Ulduz forvardın oğlu Səudiyyə Ərəbistanının “Əl-Nəsr” klubunun gənclərdən ibarət komandasında çıxış edir. O, karyerası ərzində “Pozuelo”, “Juventus” və “Real Madrid”in akademiyalarında da çıxış edib.