16 Aprel 2024
Ölən qadının sənədləri ilə Yunanıstanda yaşayan Rusiya casusu aşkarlanıb

Ölən qadının sənədləri ilə Yunanıstanda yaşayan Rusiya casusu aşkarlanıb

17 Mart 2023
Baxış: 423

Yunanıstan Milli Kəşfiyyat Xidməti (EYP) ölən ölkə sakininin məlumatlarından istifadə edən Rusiya casusunu üzə çıxarıb.

Bu barədə “AMNA” xəbər agentliyi məlumat yayıb.

Mariya.T kimi tanınan qadın son bir neçə ildə özünü yunan kimi təqdim edib, Afinada sənətkarlıq mağazası olub və fotoqraf işləyib. Əslində, onun adı İrina A.S olub və o, Yunanıstanda fəaliyyət göstərib.

Şübhəli şəxsin kimliyi kəşfiyyat orqanlarının üçüncü ölkə tərəfindən ölən Yunanıstan vətəndaşlarının məlumatlarına çıxış əldə etmək cəhdlərini aşkar etdikdən sonra məlum olub.

Casus qadın mərhum haqqında məlumatlar əsasında saxta sənədlər alıb. Qeyd olunub ki, hətta qohumları da onun əslində kim olduğunu bilməyiblər. Mariya həmçinin bir sıra Avropa ölkələrində səyahət edib və casus kimi işləyib.