“Müstəqillik daxili ruh azadlığıdır!”- David Seliverstov

Bu il ilk dəfə olaraq, Azərbaycanda mayın 28-i Respublika Günü deyil, Müstəqillik Günü kimi qeyd edilir.

.

Milli Məclisin ötən il oktyabrın 15-də keçirilən plenar iclasında “Müstəqillik Günü haqqında” yeni qanun layihəsi qəbul edilib.

Qanunun qəbul edilməsi ilə bağlı 28 May - Respublika Gününün və 18 Oktyabr - Dövlət Müstəqilliyi Gününün kimi dəyişdirilib.

Azərbaycanda bu bayram həm də Azərbaycan dövlətçiliyinin oyanışı günü adlanır, çünki uzun müddət Azərbaycan əvvəlcə İran, sonra isə Rusiya imperiyası tərəfindən idarə olunub. Yalnız 1918-ci ildə Rusiyada inqilabdan və Azərbaycan xalqının uzun sürən milli-azadlıq mübarizəsindən sonra Məmməd Əmin Rəsulzadənin rəhbərlik etdiyi Azərbaycan Milli Şurası dövlət suverenliyini elan etdi. 1918-ci il mayın 28-də Tiflisdə Qafqazdakı keçmiş canişin sarayının zalında aşağıdakı fundamental bəndlərdən ibarət İstiqlal Bəyannaməsi imzalandı:

1. Bundan sonra Azərbaycan xalqı suveren hüquqların daşıyıcısıdır, Şərqi və Cənubi Zaqafqaziyanı əhatə edən Azərbaycan isə tamhüquqlu müstəqil dövlətdir.

2. Müstəqil Azərbaycanın siyasi quruluşunun forması Xalq Cümhuriyyəti kimi qurulur.

3. Azərbaycan Xalq Cümhuriyyəti beynəlxalq ünsiyyətin bütün üzvləri ilə, xüsusilə qonşu xalqlar və dövlətlərlə mehriban qonşuluq münasibətləri yaratmağa çalışır.

4. Azərbaycan Xalq Cümhuriyyəti milliyyətindən, dinindən, sosial vəziyyətindən və cinsindən asılı olmayaraq bütün vətəndaşlara öz hüdudları daxilində mülki və siyasi hüquqlara təminat verir.

5. Azərbaycan Xalq Cümhuriyyəti öz ərazisində yaşayan bütün millətlərin azad inkişafı üçün geniş imkanlar yaradacaqdır.

Bu maddələr indi də Azərbaycanın dövlət quruluşunun əsasını təşkil edir.
Görkəmli ictimai-siyasi xadim olan Məmməd Əmin Rəsulzadə, ömrünün sonuna kimi öz ideya və məqsədlərinə sadiq qaldı. “Azadlıq və müstəqillik xoşbəxtlikdir. Bu gün müstəqil Azərbaycanı təmsil edən üçrəngli bayrağımız ucalara qaldırıldı və bu üçrəngli bayraq başımızın üstündə daim dalğalanacaq. “Bir kərə yüksələn bayraq, bir daha enməz! - bu deyim bu görkəmli şəxsiyyətin Vətənə olan sonsuz məhəbbətinin sübutudur ki, son sözü üç dəfə deyilmişdir: “Azərbaycan”.

.

Azərbaycanın müstəqilliyi vətəndaşlarının daxili ruh azadlığıdır.
Əziz həmvətənlər! Bayramınız mübarək!