İstanbulda TERROR AKTI: 6 ölü, 81 yaralı - Sifariş bu yerdən gəlib - ŞOK AÇIQLAMA + VİDEO

Ötən gün Türkiyənin İstanbul şəhərindəki İstiqlal küçəsində baş verən terror aktı zamanı 6 nəfər həyatını itirib, 81 nəfər yaralanıb.

AJMEDİA.İNFO xəbər verir ki, terror aktını hələlik adı açıqlanmayan PKK üzvü olan qadın törədib.

Təhlükəsizlik kamerasına düşən görüntülərdə qadının küçəyə çanta qoyması öz əksini tapıb. Çanta bir müddət yerdə qaldıqdan sonra partlayış baş verib. Partlayışdan əvvəl PKK üzvü olan qadın hadisə yerindən sürətlə uzaqlaşıb.

İstanbuldakı terroru törətməkdə təqsirləndirilən qadın dünən gecə yaxalanıb. Terrorçunun saxlanılması barədə məlumatı isə ölkənin daxili işlər naziri Süleyman Soylu verib. O həmçinin deyib ki, terror əmrinin Suriyanın Kobani şəhərindən gəlməsi barədə şübhələr var. Hücumu həyata keçirən şəxsin isə Afrindən keçməsi ilə bağlı məlumatlar var.

Süleyman Soylu həmçinin bildirib ki, İstanbul şəhərində partlayış PKK/PYD terror təşkilatı tərəfindən törədilib.

(baku.ws)