25 İyul 2021

Azerbaijan, Baku

26°C/30°CTemperatur °C
Atmosfer hadisələri

Atmosfer hadisələri

İnternetin uşaqlara “bəxş” etdiyi 5 XƏSTƏLİK - VALİDEYNLƏRİN DİQQƏTİNƏ!

İnternetin uşaqlara “bəxş” etdiyi 5 XƏSTƏLİK - VALİDEYNLƏRİN DİQQƏTİNƏ!

23 İyun 2021
Baxış: 189

Son zamanlar hər kəsin "yoluxduğu" sosial media, İnternet "xəstə"liyi uşaqlardan da yan keçməyib. Artıq onlar da günlərini kompüter, telefon arxasında keçirirlər. Psixoloq və həkimlər valideynlərə övladlarını adıçəkilən vaistələrdən uzaqlaşdırmağı məsləhət görür.

Lent.az valideynlər üçün İnternetin uşaqlara "bəxş" etdiyi xəstəlikləri təqdim edir:

Özgüvən əksikliyi

Gününü kompüter və telefonla keçirən uşaqlarda özgüvən əksikliyi, ünsiyyət, fikrini ifadə edə bilməmə problemi yaranır.

Özünə hörmət etməmək, şübhəlilik

Övladlarında utancaqlıq, üz-üzə ünsiyyətdən çəkinmək kimi hallar valideynləri narahat etməlidir. Bu uşaqlar özünə hörmət etməyi bacarmır, hər kəsə şübhə ilə yanaşır.

Depressiya

İnternetdən asılılıq və depressiya bir-birinə bağlıdır. Sosial media istifadəçilərində depressiya riski artıq olur.

Gün ərzində 6 saatdan çox İnternetdən istifadə edən uşaqların 83 faizi, 4-6 saat istifadə edənlərin 50, 2-4 saat istifadə edənlərin 21, 1-2 saat istifadə edənlərin 14 faizi depressiya ilə yaşayır.

Yemək pozuntusu

Saatlarla kompüter qarşında əyləşən uşaqlar ya yemək yeməyi, ya da doymaq hissini unudurlar. Çox vaxt bu uşaqlar fast-food qidalarına, qazlı içkilərə üstünlük verirlər. Sonda isə piylənmədən əziyyət çəkirlər.

Yemək yeməyi unutduqda isə halsızlıq, anemiyaya yaxalanırlar.

Yuxusuzluq

Həddindən artıq İnternet asılılığı yuxu pozğunluğu ilə də əlaqələndirilir. Uzun zaman onlayn qalmaq üçün çox vaxt kofein dərmanı istifadə edilir.
Yuxusuz qalmaq yorğunluğa, immun sisteminin aşağı düşməsinə səbəb olur.