Bu tarixdə gecə ilə gündüz BƏRABƏRLƏŞƏCƏK

2023-cü ildə Payız fəsli Azərbaycana 23 sentyabr saat 10:49-da daxil olacaq.

Bu barədə AJMEDİA.İNFO N.Tusi adına Şamaxı Astrofizika Rəsədxanasından məlumat verilib.

Bildirilib ki bu zaman Günəş ekliptika üzrə hərəkət edərək Şimal yarım kürəsindən cənub yarım kürəsinə keçəcək:

“Həmin andan Şimal yarım kürəsində Payız fəsli, Cənub yarımkürəsində isə Yaz fəsli başlayacaq. Həmin gün bütün coğrafi enliklərdə Günəş şüaları Yer səthinə perpendikulyar düşəcək və gündüzlə gecənin uzunluğu bərabərləşərək 12 saat olacaq”.

Qeyd edilib ki, şimal yarımkürəsində payız fəsli dekabrın 22-ə qədər davam edəcək. Dekabrın 22-i saat 07:27-də qış fəsli payızı əvəz edəcək.