Bu ölkə Aİ-nin Azərbaycanla bağlı qərəzli bəyanatına VETO QOYDU

“Macarıstan Azərbaycanla bağlı qərəzli bəyanata veto qoyub”.

AJMEDİA.İNFO xəbər verir ki, bu barədə məlumatı “Azadlıq” radiosunun Avropa bölməsinin redaktoru Rikard Jozviak öz “X” hesabındakı paylaşımında qeyd edib.

Onun sözlərinə görə, Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Cozep Borrelin sentyabrın 21-də regionda baş verən son hadisələrlə bağlı bəyanatı ilk olaraq Aİ-nin 27 ölkəsinin birgə bəyanatı olmalı idi: “Lakin Macarıstan sözügedən bəyanata veto qoyub”.

Jozviak bu məlumatı bir neçə mənbədən əldə etdiyini vurğulayıb.

Xatırladaq ki, Azərbaycan XİN Borrelin sözügedən bəyanatı ilə bağlı məlumat yayaraq onun yerlərdəki bütün reallıqları qəsdən təhrif etdiyini və tamamilə qeyri-adekvat olduğunu bildirib.