Azərbaycanda məşhur müğənni oğlunun toyunda 50 min manat PUL YIĞDI

“Oğlum Adilin toyundan mənə 50 min manat pul qaldı”.

AJMEDİA.İNFO Bizim.Media-ya istinadla xəbər verir ki, bu sözləri müğənni Xatun Əliyeva qonaq olduğu “Tarixin bir günü” verilişində deyib.

Bir il əvvəl oğlu Adilə təmtəraqlı toy məclisi keçirən sənətçi bildirib ki, Xalq artisti Aygün Kazımova pulsuz iştirak edib, Xalq artisti Röya isə iştirak etməsə də, zərfdə nəmər göndərib:

“Oğlum Adilin toyunda 360 nəfər qonaq var idi. Çox gözəl məclis keçdi. Aygün Kazımova sırf mənim üçün toya havayı gəlmişdi. Onun bu addımını hər dəfə deyib, alqışlayıram. Röya Ayxanı da toya çağırmışdım. Amma Bakıda olmadığına görə gələ bilmədi. Amma buna rəğmən zərfdə nəmərini göndərdi. Aygün xanım və Röya xanım bu ölkədə adını brend ediblərsə, bu elə-belə deyil. Onlar ikisi də zəhmətkeşdirlər. Röya xanım söylədi ki, oğlunun toyuna gələ bilməsəm də, hədiyyəni göndərəcəyəm. İnsanlığına bələd olmadığım Xalq artisti üçün yerimdən qalxmaram”.