Pakistan İrandakı səfirini GERİ ÇAĞIRDI

Pakistan İrandakı səfirini geri çağırıb.

AJMEDİA.İNFO TASS-a istinadən xəbər verir ki, bu barədə məlumatı Pakistanın Xarici İşlər Nazirliyi yayıb.

Buna səbəb İranın ölkə ərazisini raket atəşinə tutması olub. Pakistan XİN raket hücumunu qanunsuz addım adlandırıb. Bununla yanaşı, İrana bütün yüksəksəviyyəli səfərlər də dayandırılıb.

Eyni zamanda, hücum zamanı Tehranda olan İranın Pakistandakı səfirindən də İslamabada geri qayıtmamaq tələb olunub.

Xatırladaq ki, yanvarın 16-sı İranın İslam İnqilabı Keşikçiləri Korpusu (SEPAH) “Ceyş əl-Ədl” qruplaşmasının Pakistandakı bazasına ballistik raket və pilotsuz uçuş aparatları ilə zərbə endirib. Zərbələrin ardınca Pakistan İrana nota verib. Hadisə zamanı 2 uşaq həlak olub, daha 3-ü isə yaralanıb.