Sabah bu ərazilərdə qaz olmayacaq - XƏBƏRDARLIQ

"Qaz İxrac" İdarəsinə məxsus qaznəqli sistemində 19.05.2022-ci il tarixində planlaşdırılmış təmir işləri ilə bağlı, saat 08:30-dan təmir işləri başa çatanadək "Biləsuvar" QPS-dən, saat 10:00-dan təmir işləri başa çatanadək isə "Çinarlı", "Şəmkir","Balakən" QPS-lərdən və "Əliyqabulu" QTM-dən qaz təchizatı dayandırılacaq.

AJMEDİA.İNFO xəbər verir ki, bu barədə "Azəriqaz" İstehsalat Birliyindən məlumat verilib.

Təmir müddətində Biləsuvar şəhəri daxil olmaqla 17 kəndin, Balakən şəhəri daxil olmaqla 55 kəndin, həmçinin Şəmkir şəhəri daxil olmaqla 2 qəsəbə və 12 kəndin qaz təchizatında müvəqqəti fasilə yaranacaq.