Putin İsraildən YARDIM İSTƏDİ - BUNA GÖRƏ

Rusiya prezidenti Vladimir Putin İsrailin baş naziri Naftali Benetdən ABŞ-ı Əsəd rejiminə qarşı sanksiyaların bəzilərini yumşaltmağa təşviq etməsini istəyib.

AJMEDİA.İNFO xəbər verir ki, bu barədə məlumatı “Axios” saytı adı açıqlanmayan bir İsrail rəsmisinə istinadən yayıb.

Xəbərdə bildirilir ki, buna səbəb Rusiyanın öz şirkətlərinin Suriyanın yenidən qurulmasında iştirakına yol açmaq istəməsidir.

Oktyabrın 22-də Rusiyanın Soçi şəhərində Benetlə görüşündə Putin bəzi rus şirkətlərinin ABŞ sanksiyalarından təsirlənmək istəmədikləri üçün Suriyada iş görməkdən qorxduqlarını dilə gətirdiyini bildirib.