"İsraili də, Azərbaycanı da vaxtilə ümumi faciə birləşdirib" - SƏFİR

Azərbaycan böyük yəhudi icmasının yaşadığı unikal müsəlman ölkəsidir.

AJMEDİA.İNFO Trend-ə istinadən xəbər verir ki, bunu bu gün İsrailin Azərbaycandakı səfiri Corc Dik Holokost qurbanlarının xatirəsinə həsr olunmuş tədbir zamanı deyib.

Səfir qeyd edib ki, o, bu faktla fəxr edir.

"İsraili də, Azərbaycanı da vaxtilə ümumi faciə birləşdirib. Üç min azərbaycanlı faşizmlə mübarizədə həlak olub", - deyə o bildirib.

Qeyd edək ki, Beynəlxalq Holokost qurbanlarının anım günü münasibətilə ADA Universitetində BMT nümayəndəliyinin, İsrail və Niderland səfirliklərinin, Azərbaycan Beynəlxalq Münasibətlərin Təhlili Mərkəzi və ADA Universitetinin təşkilatçılığı ilə tədbir keçirilir.