"Zorakılığı törədən qız həmin hadisədən əvvəl..." - YENİ DETALLAR + VİDEO

"Biz nazirlik nümayəndələri və məktəblə əlaqə saxladıq. Hazırda məsələ Daxili İşlər Nazirliyi (DİN) tərəfindən araşdırılır. Biz gözləyirdik ki, uşaq və valideynləri gələcək. Təəssüf ki, heç birinə əlimiz çatmadı. Buradan açıq mesaj vermək istəyirəm ki, bu, həm də valideynin məsələyə məsuliyyətsiz yanaşmasından irəli gəlir. Telefonlara cavab vermirlər".

AJMEDİA.İNFO xəbər verir ki, bu sözləri Baku TV-yə Elm və Təhsil Nazirliyi yanında İctimai Şuranın sədri Günel Səfərova bildirib.

O əlavə edib ki, zorakılığı törədən şəxs əvvəlcə o qızın ona elektron zorakılıq törətdiyini deyib:

"Bu, virtual aləmdə olub. Bu şagirdin bu yolu seçməsi qəbuledilməzdir. Zorakılığı törədən hələ də bu məktəbin şagirdidir. Zorakılığa məruz qalan isə həmin məktəbi 9-cu sinifdən tərk edib".