Yəhudi Parlamentarilərin Beynəlxalq Şurasının ABŞ-ın Kapitoli binasında keçirdiyi konfransda Azərbaycanın Milli Məclisinin deputatı Anatoliy Rafailovun çıxışı marağla dinlənilib

2023-cü ilin noyabırın 14-də Yəhudi Parlamentarilərin Beynəlxalq Şurası ABŞ-ın Kapitoli binasında keçirdiyi dəyirmi masada Azərbaycanın Milli Məclisinin deputatı, Azərbaycan-İsrail parlamentlərarası əlaqələr üzrə işçi qrupunun rəhbəri Anatoliy Rafailov iştirak və çıxış edib.

O, öz çıxışında Azərbaycanda yaşayan yəhudilər və digər xalqlar şanslı olmasından, Azərbaycanda antisemitizm, millətçilik, ksenofobiyanın olmaması, yəhudilərin və digər xalqların Azərbaycanda sülh və əmin-amanlıq şəraitində yaşadıqlarını bildirib.

Hamının marağına səbəb olan geniş çıxışında Anatoliy Radailov bünları deyib:

Hamıya məlumdur ki, yəhudilər əsrlər boyu Azərbaycanda yaşasalar da, onlar Bakıya 1830-cu illərdən, ilk neft buruğu zamanı kütləvi şəkildə gəlməyə başlayıblar və Bakıda yəhudi icması sürətlə inkişaf etməyə başlayıb. Bakı yəhudiləri həmişə Azərbaycanın unikal multikultural cəmiyyətinin tərkib hissəsi olublar. Onlar ölkənin intellektual və mədəni həyatında müstəsna rol oynayıblar. Azərbaycanda yeddi sinaqoq var ki, onlardan üçü paytaxtdadır. Bakıdakı üç sinaqoqdan ikisi 2003-cü ildə açılmış və Avropada ən böyük sinaqoqlardan biri kimi tanınan Avropa və Gürcü yəhudilərinin sinaqoqudur, üçüncüsü isə 1945-ci ildən fəaliyyət göstərən və 2011-ci ildə Azərbaycanın rəhbərliyinin dəstəyi ilə bərpa edilmiş Dağ Yəhudilərinin sinaqoqudur.

Müasir müstəqil Azərbaycanın yaradıcısı Heydər Əliyevin və onun layiqli davamçısı Prezident İlham Əliyevin dövlət siyasətinin əsas istiqamətlərindən biri də multikulturalizm, xalqlar və dinlər arasında dostluq və qardaşlıqdır.

Azərbaycanın multikulturalizm dəyərlərinin təbliği beynəlxalq ictimaiyyət tərəfindən tanınır və qəbul edilir. Multikulturalizm Azərbaycanın dövlət siyasətinin tərkib hissəsidir. Müasir Azərbaycan hələ də Azərbaycanın unikal multikulturalizm brendini simvolizə edən bir çox yəhudilərin vətənidir.

Azərbaycan yəhudi xalqı və İsrail dövləti ilə isti və dostluq münasibətləri inkişaf etdirib. Bundan əlavə, insan amili də var. İsraildə, Azərbaycanda yəhudilərə olan xoş münasibəti, o cümlədən İkinci Dünya Müharibəsi zamanı Azərbaycanda 50 mindən çox yəhudinin nasistlərdən xilas edilməsini yaxşı xatırlayırlar və bilirlər. Bu gün İsraildə Azərbaycanı çox sevən Azərbaycan yəhudilərindən ibarət 70 minə yaxın diaspora yaşayır. İsrail və dünya yəhudiləri daim Azərbaycanın ərazi bütövlüyünü dəstəklədiklərini bəyan edirlər.

Azərbaycan xalqının adət-ənənələri bizim üçün əzizdir, çünki Azərbaycan xalqı nadir xeyirxahlığı, həssaslığı və insanpərvərliyi ilə seçilir. Biz həmişə fəxrlə deyirik ki, Quba şəhərində İsraildən sonra bütün dünyada yəhudilərin kompakt məskunlaşdığı ikinci yer olan Qubanın Qırmızı qəsəbəsi var.

Bu gün biz bəyan edə bilərik ki, müasir və müstəqil Azərbaycanda ölkənin bütün xalqları ilə yanaşı, yəhudilər də bərabər hüquq və imkanlar əldə ediblər. Bundan başqa, müstəqillik illərində Azərbaycan Prezidenti İlham Əliyevin və birinci xanım, Heydər Əliyev Fondunun prezidenti Mehriban Əliyevanın dəstəyi ilə yəhudi əhalisinin məskunlaşdığı yerlərdə yeni sinaqoqlar, məktəblər bərpa edilərək tikilib, mədəni həyat yüksək səviyyədə qorunub saxlanılmışdır.

Bütün qeyd olunanlara görə Azərbaycanın yəhudi icması həm Respublika rəhbərliyinə, həm də Azərbaycan xalqına minnətdardır!

Azərbaycan-İsrail parlamentlərarası işçi qrupunun rəhbəri kimi deyə bilərəm ki, biz İsrail-Azərbaycan parlamentlərarası qrupu ilə əməkdaşlıq edirik və iki dövlət arasında münasibətlərin möhkəmləndirilməsi istiqamətində müəyyən işlər görürük. Biz İsrail Knessetindəki həmkarlarımızdan Azərbaycanla bağlı müxtəlif məsələlərdə həmişə dəstək alırıq. İsrail hər zaman Azərbaycanın haqq işini - ölkəmizin ərazi bütövlüyünü dəstəkləyir. Həmçinin Azərbaycan həmişə dost İsrailin yanındadır. Azərbaycan Milli Məclisinin İsrail ilə parlamentlərarası əlaqələr üzrə işçi qrupu 2023-cü il oktyabrın 7-də HƏMAS-ın İsrail Dövləti ərazisində həyata keçirdiyi irimiqyaslı silahlı hücumları pisləyib. Bu qəddar hücumlarda həlak olanların ailələrinə və yaxınlarına başsağlığı verir, yaralananlara şəfa diləyirik. Biz bu çətin zamanda İsrail xalqının yanındayıq.

Sonda demək istərdim ki, Azərbaycan ilə İsrail arasındakı dostluq bütün İslam dünyası üçün nümunədir və yəhudi və müsəlman dövlətlərinin sülh və əmin-amanlıq şəraitində yaşaya biləcəyini göstərir.

.

“Magen David Group”un rəhbəri və Ümum İsrail Dağ Yəhudiləri Assosiasiyasının Azərbaycan nümayəndəliyinin sədri David Seliverstov, Milli Məclisin deputatı, Azərbaycan-İsrail parlamentlərarası əlaqələr üzrə işçi qrupunun rəhbəri, Magen David Group-un fəxri sədri Anatoliy Rafailovun 2023-cü ilin noyabırın 14-də Yəhudi Parlamentarilərin Beynəlxalq Şurası ABŞ-ın Kapitoli binasında keçirdiyi dəyirmi masada iştirak və çıxışını AJMEDİA.İNFO-a şərh edərək qeyd etmişdir:

“Bu gün Azərbaycanda yəhudilər antisemitizmdən uzaq, tolerant bir mühitdə yaşayırlar. Bu isə heç təsadüfi deyildir. Çünki bütün tarixi dövrlərdə yəhudilər ölkəmizdə özlərini böyük bir ailənin bərabərhüquqlu üzvü kimi hiss edərək, dünyada antisemitizmin tüğyan etdiyi dövrlərdə belə Azərbaycan xalqı onlara yad münasibət göstərməmiş, əksinə, yəhudi mənşəli həmvətənlərimiz dostluq, qardaşlıq, həmrəylik, qarşılıqlı anlaşma şəraitində yaşamışlar.

İnanıram ki, hər zaman Azərbaycan-İsrail dostluğu daha da möhkəm və sarsılmaz olacaqdır.”