Ukraynada iyunun 1-dən dəmiryol daşımaları bərpa olunacaq

Karantin rejiminin yumşaldılması çərçivəsində Ukraynada iyunun 1-dən etibarən dəmiryol daşımaları, o cümlədən uzaq məsafəyə hərəkət edən qatarların fəaliyyəti bərpa olunur.

AJM xəbər verir ki, bu barədə İnfrastruktur naziri Vladislav Krikli məlumat verib. Onun sözlərinə görə, “Ukrazaliznıtsa” sərnişinləri qarşılamağa artıq hazırdır. “Ukraynada artıq iyunun 1-dən etibarən uzaq məsafəyə hərəkət edən ilk qatarlar reysə buraxılacaq. Karantin rejimi sərnişinlərin qəbuluna hazırlaşmaq üçün vaxt verdi”, - deyə Krikli qeyd edib.

Bundan əlavə, “Kiyev-Passajirski” stansiyasının vağzallarında təhlükəsizlik tədbirlərinin gücləndirilməsi ilə yanaşı, üzdən tanıma funksiyasına malik 22 yeni videonəzarət sisteminin quraşdırıldığı bildirilir.