Türkiyə və İsrail barışığa doğru ilk addımlarını atırlar

Türk rəsmiləri, bir zamanlar yaxın müttəfiqlər olan İsrail və Türkiyənin münasibətlərini tezliklə yenidən normallaşmasına çalışdıqlarını söyləyiblər. Bu barədə The Jerusalem Post xəbər verib.

Hər iki ölkə 2018-ci ilin may ayında Qəzza zolağı ilə sərhəddə İsrail qüvvələri tərəfindən onlarla fələstinlinin öldürülməsindən və Vaşinqtonun səfirliyini Yerusəlimə köçürmək qərarından sonra səfirini İsraildən çıxarmışdır.

2020-ci ilin dekabrında Türkiyə Prezidenti Rəcəb Tayyib Ərdoğan ölkəsinin İsrail ilə münasibətlərini yaxşılaşdırmaq istədiyini, lakin İsrailin Fələstinlilərə qarşı siyasətinin "qəbuledilməz" olaraq qaldığını söyləmişdir.

Ərdoğan Fələstin iddiasını müdafiə edir və İsrail Baş naziri Binyamin Netanyahu ilə mübahisəli bir əlaqəyə sahibdir. Ərdoğan o zaman Türkiyənin İsraildəki "üst səviyyəli insanlarla" bəzi problemlərinin olduğunu söyləyərək, Fələstinin hələ də Türkiyənin qırmızı xətti olduğunu və Ankaranın İsrailin Fələstin ərazilərinə qarşı "amansız" siyasətini qəbul edə bilməyəcəyini söyləyib.

Bir vaxtlar müttəfiq olan Türkiyə ilə İsrail son illərdə şiddətli bir şəkildə mübahisə ediblər. Ankara dəfələrlə İsrailin Yəhudiya və Samariyanı işğal etməsini və Fələstinlilərə qarşı münasibətini qınamışdır.

Tel-Əviv Universitetindəki Yerusəlim Strateji və Təhlükəsizlik İnstitutu (JISS) və Moshe Dayan Yaxın Şərq və Afrika Araşdırmaları Mərkəzinin (MDC) Türkiyə üzrə mütəxəssisi Dr.Hai Eitan Cohen Yanarocak, bu barədə bir şey söyləməyin tez olduğunu düşünür.